الأمومة المبكرة(زواج القاصرات)

هو انا هبقى ماما بجد! هشيل بيبي في ايدي بدل ما اشيل عروستي! طب لما يعيط هسكته ازاي؟

الزواج سنة من سنن الله تعالى في الكون، وهو عبادة للمحافظة على النوع الإنساني لكن زواج الأطفال زواج حرام، علشان دا بيبقى السبب في ضياع حقوق الزوجة (الطفلة)، اللي ماتعرفش حاجة عن حقوقها وواجباتها، ودا بيأثر علي المجتمع ككل.

أوصانا رسول الله صلى الله عليه وسلم بالرحمة بأبنائنا، وقال: «من لا يرحم، لا يُرحم»، فالأب الى عايز يخلص من بنته ويجوزها، لا يرحمها، ويرميها في التهلكة، والواقع بيأكد ان في كثير من الحالات لا يتخلص منها ، لأنها بترجع
.إلى بيته بطفل وهي مطلقة أو غضبانة أو مهانة

-----------------------------

مخاطر وأضرار الزواج المبكر

والزواج المبكر بيسبب مخاطر كبيرة للبنت فى حالة الحمل، إضافة إلى عدم معرفتها ازاى تبقى زوجة وأم بسبب صغر سنها، بالإضافة ان زواج الفتيات جريمة فى حق الطفولة، لأنها بتحرم البنت من حق استكمال تعليمها ونمو إدراكها كزوجة وأم، يشكل خطرا على صحة وحياة البنات، وبيقلل من فرصهن المستقبلية.

كما ان الزواج المبكر يحرم البنات من حقهن في اختيار لو كانوا عايزين يتجوزو، ومن مين، وامتى، وتعتبر دى من أهم القرارات الحياتية. فاختيار الشريك قرار يخص البالغين، والمفروض يتم اتخاذه بحرية، وبدون خوف أو إجبار. وكل الدول تقريبا بتتفق علي القضية دى.

كمان زواج الأطفال بيشكل خطر مباشر على صحة وسلامة البنات. وعادة ما بيحملوا بعد الزواج، حتى لو كانت الطفلة غير مستعدة جسدياً وذهنياً. ففي الدول النامية تسع حالات ولادة من بين كل عشر من بين المراهقات بتتم في إطار زواج أو شراكة. وعلى نطاق العالم، بتعتبر مضاعفات الحمل والولادة بين البنات المراهقات من الفئة العمرية اللي بتتراوح بين 15-19، السبب الرئيسي للوفاة.

لما البنات الأطفال بتتزوج، عادة ما بيجبروا على الخروج من المدرسة، علشان تهتم بمسؤليات البيت ودا يعتبر حرمان لحقهن في التعليم. وبيقلل الزواج المبكر من فرصهن في العمل، وللزواج المبكر آثار طويلة الأمد على أسرهم المستقبلية. وبتعاني البنات اللي بيسيبوا المدرسة، من نتائج صحية واقتصادية صعبة أكثر، مقارنة باللي بيفضلوا في بالمدرسة، وفي الاخر بيبقى حظ اطفالهن أسوأ.

من أهم ظواهر المجتمع اللي المفروض نتبعها اول بأول هو موضوع الزواج المبكر، اللي بيترتب عليه مخاطرة كثيرة سواء على صحة البنت أو ضياع مستقبلها او الطلاق وتفكك الاسرة، وفي طرق كثيرة هتساعد في حل مشكلة الزواج المبكر، زى:

---------------------------------

حلول مقترحة لحل مشكلة زواج القاصرات

: -وضع قوانين تمنع زواج القاصرات وتطبق

 في بعض الدول تمنع زواج القاصرات، لكنها مش بتنفذ. وده بيتطلب تعاون كذا مؤسسة ومراكز الدول المهتمة في اتخاد اجراءات قوية وزيادة عدد المختصين والقانونيّين علشان يتابعوا اول بأول البرامج اللي بتوقف النوع ده من الزواج وان احنا نوقف النوع دة من الزواج، ونحط قوانين جديدة تمنع بقوة زواج القاصرات.

‎-دعم تعليم البنات:

بيدأ من تشجيع العيلة للبنت على انها تكمل تعليمها، وكمان قيام المؤسسات التعليمية بتوعية البنات وأهلهم بأهمية الشهادة الجامعية في رفع وعيها الفكري ليها اللي هيدعمها قدام بعد كدة على الاختيار الناضج للزوج.

 

-تحقيق المساواة بين الجنسين:

تحقيق المساواة بين الجنسين ممكن يكون حلًا لزواج القاصرات، وخاصة لو تم تحقيقه في أماكن الدراسة والشغل، فالبنت الي بيساعدها مجتمعها على التعلم والشغل بتكون قادرة على إعالة نفسها ولا تحتاج إلى الزواج في سن بدري.