اكسر للبنت ضلع يطلع لها 24

كسر للبنت ضلع يطلع لها 24 

اصل الحكاية
للاسف محدش يعرف مين اللي اطلق المثل الشعبي دة ولا مين اول واحد اقتنع بيه وبدا في تنفيذه فعلا بحجة التربية والتاديب بس اللي نعرفه ان العنف ضد المراة مش حاجة جديدة دة وبتحصل بشكل يومي لا دة كمان في بنات بتتعرض للعنف دة اكتر من مرة في اليوم وباشكال مختلفة لان انواع العنف كتيير زي العنف المنزلي والعنف الاقتصادي والعنف النفسي والجنسي والاتجار بالبشر والزواج المبكر وغيرهم.

 

وبسبب ان الموضوع فعلا منتشر اعتقد ان اي واحد فينا اول ما بيسمع جملة العنف ضد المراة بيجي علي باله علي الاقل قصة واحدة شافها بعينه كان فيها امراة بتتعرض للعنف الشديد سواء من زوجها او والدها او اخوها او حتي اشخاص ملهمش بيها اي صلة

واكبر مثال علي دة قضية نيرة اشرف وتعرضها للقتل والموت لمجرد رفضها لشخص ومحاولتها انها تبعد عنه وتتجنبه.

وبالرغم من جهود الدولة في انها تحد من مشكلة العنف ضد المراة زي العقوبات ضد ختان الاناث والتحرش الجنسي واعتماد الاستراتيجية الوطنية لمكافحة العنف ضد المراة وكان فيها مشاركة عدة وزارات سنة 2015 الا انها مشكلة مازالت مستمرة.

-----------------------------

أمل بسيط لحل المشكلة 

تفتكر المشكلة دي ممكن تتحل في يوم من الايام؟

هيكون حلم صعب نحققه ولكن مش مستحيل وعشان كدة لازم علي الاقل اننا ناخد خطوة زي:

-تصديق الناجيات:عند مشاركة امرأة قصة تعرضها للعنف، فإنها تتخذ الخطوة الأولى لكسر للإساءة اللي اتعرضت لها لذلك  علينا اعطائها المساحة الأمنة للتعبير.    

 -تعليم الجيل القادم و تثقيفهم حول حقوق المرأة و عدم تعرضهم لأي ظلم أو عنف أو إساءة.

. التوعية المستمرة و الحملات اللي تؤكد علي منع العنف ضد المرأة و العقوبات القانونية ضد الجاني -

 

ويجب ان تعلم ان الجاني هو السبب الوحيد للاعتداء و العنف و يجب ان يتحمل المسؤولية وحده لذلك  علينا عدم إلقاء اللوم علي الضحية و لا تقل (لماذا لم ترحل او تغادر ) بل بالعكس علينا ان نكون بجانبها و ندعمها ضد اي عنف تتعرض له.